Кыргыз Республикасынын Президентинин 8.02.2021-ж. №23 “Кыргыз Республикасында  саламаттык сактоо чөйрөсүн өнүктүрүү, калктын жашоосунун жана саламаттыгынын сапатын жакшыртуу боюнча кечиктирилгис чаралар жөнүндө” Жарлыгын, 2018-2030-жылдарга калктын ден соолугун сактоо жана саламаттык сактоо системасын өнүктүрүү боюнча “Ден соолугу чың адам-өнүккөн өлкө” программасын ишке ашыруу жана  айыл тургундарынын ден-соолугуна кам көрүү максатында Тоӊ райондук мамлекеттик администрациясынын башчысы-аким Б.Осмоновдун демилгеси Кыргыз Медициналык Академиясынын жетекчилигинин колдоосу менен менен 2025-жылдын 3-июлунан баштап райондун аймагында Бишкек шаарынын дарыгерлеринен  турган «Ден соолук кербени» иштей баштады. «Ден соолук кербенинин» курамында педиатр, терапевт, гинеколог, маммолог-онколог, невропатолог, окулист, травматолог, уролог, УЗИ дарыгерлери кызмат көрсөтүүдө.

           «Ден соолук кербени» 3-июлдан 8-июлга чейин Кара-Коо айылында, 9-июлдан баштап 11-июлга чейин Тогуз-Булак айылында, 14-июлдан баштап 18-июлга чейин Бөкөнбаев айылында болот. Толук маалыматты ар бир жаран өзүнүн жашаган жери боюнча ГСВ, ФАП кызматкерлеринен алса болот.