Кыргыз Республикасынын Министрлер Кабинетинин 2022-жылдын 28- февралындагы №100-токтомуна ылайык "Балыкчы-Кочкор-Кара-Кече" темир жолун куруу боюнча иштер жүргүзүлүүдө. «Балыкчы-Кочкор темир жол куруу долбоорунун (29,812 км - 44 км)» курулушунун ишке ашыруунун алкагында долбоорлонгон темир жол тилкесинин 37-чакырымдан 43-чакырымга чейинки аралыкта аска таштарды бойлоп өтөт, ошондуктан курулуш иштери учурунда бургулоо жана жардыруу иштери жүргүзүлөт. Курулуп жаткан темир жолдун 37-44 км аралыгында жардыруу иштеринин биринчи фазасы аяктаганга чейин, “Балыкчы-Кочкор” автомобиль жолунун (Кубакы ашуусуна бурулушка чейинки) 39+90 км — 42+90 км аралыгы төмөндөгү көрсөтүлгөн график боюнча жабыла тургандыгын билдиребиз.