Кара-Коо айылынын К.Исаков атындагы маданият үйүндө жылды  жыйынтыктоо аземи жана  Жаңы жылдык майрамга арналган концерттик  иш чара болуп өттү.

Ак-Терек айыл аймагынын айыл өкмөт башчысы Ж.Ж.Зарнаев  айыл аймагыбыздын тургундарын жаңы жыл менен куттуктап,  жыл ичинде аткарылган иштер тууралуу маалыматын берди. Айыл аймагыбыздын  өнүгүүсүнө салымын кошкон, эмгеги сиңген жарандарга, мекеме, ишканалардын кызматкерлерине  айыл өкмөтүнүн сыйлыктары тапшырылды. Иш чаранын экинчи бөлүгүндө Ак-Терек айыл өкмөтүнүн кызматкелери, Кара-Коо айылынын №8 бала бакчасынын тарбиячылары жана тарбиялануучулары, Кара-Коо айылынын Р.Жангазиев атындагы жалпы орто билим берүү мектебинин окуучулары концерттик программа тартуулашты. Жергиликтүү бюджеттен акча каражаты бөлүнүп жана  Көл-Төр айылынын депутаты Каныбек уулу Алиакбар  колдоо көрсөтүп,  айыл аймагыбыздын аярлуу катмарындагы балдарга жана жакшы окуган окуучуларга белектер  берилди.